عندي مشكله بعد ما غسلت السياره بخار

اللي فهمته من كلامك إن السيارة ما عاد تمشي وسرعتها ما تتعدى الـــ20..!!!

عموماً هذي صارت معي في كابرس..السيارة ما كانت تتعدى الــ40 بالشحاذه..وكان فيه طقة قوية لما أعشق القير وأحطه في الــd

كل اللي سويته إني فكيت فلتر الهواء وجربت السيارة طلعت 100%
يعني جرب ما بتخسر شيء فك فلتر الهواء الحين وشغل السيارة وجرب إذا ضبطت..غير فلتر جديد

وانتظر الأخوان يفيدونك إن شاء الله

انا مره غسلت المكينة وصارت لي مشكلة قلت آخر مره اغسل فيها المكينة .. والمشكلة كانت المكينة وهي واقفه ترج رجه قويه واذا السرعة 40 صوت المكينة عالي ..
المهم تقدر تجرب ومابتخسر شي اسلاك البواجي تضررت .. فك الاسلاك وخلها تنشف ورجعها .. وفكها ما ياخذ 5 ثواني .. مجرد فك لا تحرك شي من مكانه .. وخلهم كذا 10 دقايق او ربع ساعه ورجعهم وان شاء الله تضبط

الله يعينك .. والمفروض ماتغسل المكينة سواء بخار او غيرها ..

نصيحه لا احد يغسل بستم ولا المكينه تعدم الموتر

@@@@@@@@@@@@

افتح الكبوت وخليه يصقع بالشمس 6 ساعات وفوق .. حتى تتأكد أن الأجزاء المبللة نشفت .. وإن شاء الله تضبط ..

المويه دخلت الكمبيوتر وكلها مساله وقت راح تنشف ..

روح البنشي وخذ مسدس الهوا
وانفخ في اجزاء المحرك حاول تحط المسدس في الاجزاء الصعبه من المكينه عشان تنشف

مستغرب ان العلامات اختفت!

احمد ربك ان الموتر بكبره ما اختفى!!؟؟
معقوله فيه ناس للحين تغسل المكينه!؟
الله يهديك بس

دائما افضل غسل المكينه بنفسي حتى اخليها تاخذ وقتها على ماتنشف لان لو غسلتها عند مغسله بخار او بستم ماراح يعطيني وقت بيقولي حرك وبشغل وتنعدم الكهربا والبواجي والسيارة تتلخبط عليك شوف المنتدى فيه مية طريقة بالبخاخات وغيرها اهم شي تتركها في شمس قوية وماتشغلها الا لما تنشف