سيارات رغم قوتها ولاكن نادره لملاكها

السلام عليكم السبب الأساسي من الوكيل وانا أتمنى اني امتلك سوبارو ليجاسي ولو تشوف امريكا منتشرة عندهم و الكويت ايضا

الوكلاااأاء .،،،،

الوكلاااأاء .،،،،

اخذت مره سوبارو ليجاسي بقس موديل ٢٠٠٢
وصار لي عليها حادث دخلت على الرصيف بالعرض
ما غيرت فيها ولا قطعه
ثلاث كفرات وثلاثميه ريال سحب في ميزان وانتهينا


فغالبا المشكله ماهي بالجوده
وغير اللي انت ذكرتها
السيات والفيات والرينو والالفا روميو السكودا السيتروين والبيجو والفولكسواجن
ترى لو تشوف مواصفاتها جباااره بكل معنى الكلمه
بس الوكيل لا يسوق صح ولا يخدم العميل

المشكله اغلبها بتوفر قطع الغيار يعني حتى لو الوكيل تعبان وقطع الغيار متوفره
وجودة السياره طيبه وسعرها مناسب بتمشي بس اهم شي وفر قطع الموتر

أي شركة وكيلها حضرمي اغسل يدك منها عندك بالبيد وباخشب تبع ايسوزو واليمني حق السوبارو والعيسائي حق المتسوبيشي وبامعروف حق سوزوكي

السوزوكي .و الميتسوبيشي . و السيبارو الوكيل وتوفر قطع الغيار سبب عدم امتلاكها
اما المازدا فحتى في دول كثيره مالها طلب وحتى في امريكا قليل جدا مستخدمينها ...

+1 لايك لكل مشارك

أنا أشهد أنها سيارات قوية ومازالت صناعتها يابانية وبذات السوزوكي والمستوبيشي والسوبارو مو مثل التويوتا أغلب منتجات تويوتا من خارج اليابان ولكن السمعه السابقة للتويوتا
انا أستخدمت الفورستر 2003 الصراحة جبارة من ناحية الأداء ومواصفات السلامة

 أنا معي ميتشوبيشي ونيت والشهادة لله أن الوكيل يوفر لك جميع القطع إلي تبغاها ، وإلى ما هي متوفرة يوفرها لك طلبية داخلية يومين بالكثير ، وطلبية خارجية أسبوعين بالكثير .

ميتسوبيشي حاليا صار متوفرة قطعه فالوكاله (لكنها غاليه) ومتوفرة فالصناعيه بسعر رخييص 

ولو لاحظتم باجيرو 2014 و2015 انتشروا بشكل ملحوظ جدا

وقريبا بتشوفونها بكل شارع اذا استمروا على نفس الاعتمادية والجودة 

كل ما ذكرت ممتازه و ظلمها وكيلها لكن أستثني السوزوكي خاصه السيارات الصغيره 
 سيارات سوزوكي الصغيره ليست بمثل جودة باقي الماركات الأخرى المشهوره 

السوبارو 
بقلك قصة صارت
خويي في الرياض معه سوبارو امبريزا 2008 RS 
وانا في جدة كلمني قلي ابغى مساعدات امامية مع الكراسي 
يعني مساعد وكرسي مساعدة وقلي اهم شي تشوف اليسار 
قلتله تمام المهم رحت الوكالة 
قلي مافي مساعدات قلتله طيب كم سعرهم قلي سعر 
المساعد الواحد بــ ( 650)  يعني 1300 للمساعدين دون الكراسي 
وقلتله كم سعر الكرسي قلي 175 للواحد 
1/ اسعارها غالية 
2/ غير متوفرة لا بالشركة ولا عند غيره  
رحت ادور في قطع غيار كل المحلات دلوني عند واحد بس 
رحتله قلي مافي 

هذه قصة السوبارو 

وين راحت الفولفو والساب بين الخيارات
وانا مع الاخوان 
الوكيل وتوفر قطع الغيار والخدمة
لو وكيل تويوتا يمسكها تشوفها منتشرة في كل مكان
هذا السبب انه سيارات تويوتا مرغوبة سواء بمواصفات او بدون

صراحه في سيارات كثيرررررر ممتازه بس غير منتشره عندك البيجو بجميع انواعها والفولفو والفيات والرينو وغيرها 

توماهوك الساب افلست واظن اشتروها مستثمرين صينين ووكيلها مادري من هو والي اعرفه من عيوب السياره هذي بالتحديد ارتفاع اسعار قطع غيارها ومايشتريها الا الاجانب

السياره سويديه مافيها كلام من امن السيارات في العالم جت فتره كنت افكر اشتري وحده اتذكر اول مااعلنت افلاسها اسعارها نزلت في الارض حصلت موديلات جديده زيروعلى 55الف بس ترددت في قطع الغيار ولاكاشكل خرافه

وعليكم السلام ورحمة الله وبركاته 

كلها شركات عريقة ولها تاريخها وسياراتها عملية 
لكن وكلائهم لا يخدمون العميل ما بعد البيع لهذا لم يعد هناك ثقة 
ايضا القطع غير متوفرة وغالية ومحتكرة
ومقابل هذه السلبيات أكتملت المعادلة بنزول السعر بعد الإستخدام إلى النصف أو أكثر!.

عندي جيب ناتيفا مستوبيشي خبري عن الورش زمان سيارة اعتماديه بكل ماتعني هذه الكلمه من معنى
ابي حاجه وحده افتح الباب والكبوت وشوف الثقل تحس السياره مليانه على صغر حجمها

الا يالربع الفلفو مالها طاري وش  وضعها