عزمت على شراء سوبارو ليجاسي 2015 وش رأيكم ؟؟؟

تبي نصيحه السياره الي تشوفها يوميا هي كامري كرولا سوناتا اوريون افلون  اكورد ازيرا النترا كابرس تشارجر 
هايلوكس لاندكروزر باترول 

انصحك انك تاخذ من السيارات الي ذكرت عشان بعد سنه او سنتين تلاقي قطع الغيار في اي سوق 

والسوبارو اتوقع مايجي الا فالوكاله وقليل مايكون له وكيل.  

هذي نصيحتي وشكرا 

ادخل منتدى السيارات وتلقى قسم للسوبارو 


وتمتع ب الشكاوي هههههههه

خذها 

الليجاسي سيارة يعتمد عليها وتستاهل كل ريال فيها وتجميعها ياباني 


المحرك الاول 4 سلندر 2.5 لتر يولد 175 حصان


والثاني 6 سلندر 3.6 لتر يولد قوة 256 حصان 

والمكينة فلات انجن يعني بدال ما تتحرك البساتم فوق وتحت تتحرك يمين ويسار 

وهذي التقنية تستعملها شركة بورش وشركة سوبارو 

لانها تعطي اداْ افضل لكن تنقص من عمر المكينة 


لكن احسب حسابك القطع يمكن ما تتوفر الا عند الوكيل ويطيح سعرها 


يعني اذا بتبيع بعد فترة خذ تويوتا


لكن فكر 


اي سيارة بتكون فيها هذي الجودة + محرك بنظام بورش + دفع رباعي 

بهذا السعر 

على العموم مبروك مقدما وبالتوفيق

خذها 

الليجاسي سيارة يعتمد عليها وتستاهل كل ريال فيها وتجميعها ياباني 


المحرك الاول 4 سلندر 2.5 لتر يولد 175 حصان


والثاني 6 سلندر 3.6 لتر يولد قوة 256 حصان 

والمكينة فلات انجن يعني بدال ما تتحرك البساتم فوق وتحت تتحرك يمين ويسار 

وهذي التقنية تستعملها شركة بورش وشركة سوبارو 

لانها تعطي اداْ افضل لكن تنقص من عمر المكينة 


لكن احسب حسابك القطع يمكن ما تتوفر الا عند الوكيل ويطيح سعرها 


يعني اذا بتبيع بعد فترة خذ تويوتا


لكن فكر 


اي سيارة بتكون فيها هذي الجودة + محرك بنظام بورش + دفع رباعي 

بهذا السعر 

على العموم مبروك مقدما وبالتوفيق

وعليكم السلام ورحمة الله وبركاته 

سيارات سوبارو اليابانية الصنع غنية عن التعريف ومعروف أنها من أفضل ما صُنع في اليابان 
لكن هناك مشاكل عدة في منطقتنا منها:

- الوكيل سيء جداً ولا يخدم سياراته ما بعد البيع 
- القطع لا تتوفر سوى في الوكالة وقطع أصلية فقط 
- السيارة ليست مرغوبة ولا إقبال عليه 
- يطيح سعرها بعد الإستخدام 
- قير محرك الستة سلندر cvt ومعروف أن صيانته لا يتقنها أي شخص ناهيك عن الوكالة السيئة التي لا تخدم من الاساس.

كل هذه الأسباب عوامل أساسية لنجاح أي سيارة في السوق السعودي
إذا لم تتوفر هذه العوامل فلن تهنئ بالسيارة على الرغم بأنها رائعة جداً 

أنصحك بالسيارات التالية:
جنسيس 2015 
أفلون 2015 


موفق خير 

ستارتنق

الوكيل سيئ جدا وليس السيارة انا اشوف انك تبعد عنها لان بعد سنة او اكثر بتتعب في قطع الغيار وسعرها بيطيح فالارض شوف الكيا كادينزا 6 290 حصان سلندر فل كامل اونص فل معروفه وضمان 5 سنوات مفتوح الكيلوات وغيرها من المواصفات وقطعها متوفرة

شريتها يوم كان وكيلها بالبيد 2002
السياره مايحتاج اشهد لها ابد

لكن المشكلة الوكيل تعبت معاه فتوفير القطع والصيانه

الحين مع وكالة اليمني
كنت بطلعها قبل سنه بس البنك ماكان يتعامل مع الوكيل اليمني

اما السيارة خذ جودة وقوة وتحمل

خذها سيارة اعتمادية جودة تصنيع اليابان دلع دفع رباعي وحسن كتبي مدحها ويقول بعد أنها الأفضل من بين اليابانيين وأنا اتفق معها محركها نفس طريقة محرك البورش وقيادتها ممتعة وإضافة على كلام ثلاثي توب جير كلاركسون وملئ وهاموند ما اتفقوا إلا على ثلاث سيارات الليجاسي والمونديو ورينو 2002ًتوقف تصنيعها يكفيك خبراء سيارات اتفقوا عليها 

اخوي معها سوبار ٢٠١٢ الحمدالله ماغير فيه ولا شيء لكن ترا اسعار القطع غاليه بالحيل فرق عنه منافساته  واخوي من النوع الى مايحفظ والا الان ماغير فيه شيظ لكن خذ لك فره على القطع 

خوي معه امبريزا 2008 RS 
يبغى مساعدات دور بالرياض ما حصل كلمني 
عشان ادورله في جدة  حصلت في الوكالة غالي 
والله ما اذكر سعره بس جدا غالي 

بغض النظر عن غلاء القطع ... والكل عارف  .. لو لكنية بيع اقل من خمس سنين  . لا تاخذها لانه بيعها ثقيل 

نصيحة اشتر سيارة قطع غيارها عند الحضارم في كل منطقة صناعية!!

مثلا هونداي له في صناعية العاصمة غرب الرياض خمس محلات -لكن لايوجد محل واحد لمازدا او مستوبيشي ولا للسوبارو!!!

السيارة لاغبار عليها سيارة قوية وراسية
ولكن ماأنصحك فيها اشتري راحتك وانا اخوك
لو تدق دقة خفيفة وتدور القطع ماتلقاها بسهولة او طلبية
بتتعب كل ماحتجت قطع
فروعه فقط في المدن الريسية لو تسافر منطقة ثانية حتى السيفون ماراح تلقاه

باختصار الوكيل اليمني اذا موفر القطع وانت فالرياض وماتبي تبيع الا بعد 5 سنوات خذها وانت مغمض

اللي يقول القطع غاليه
ترى الاكورد اغلى منها والحين صارت صينية

اذا تبي شيء رياضي انصحك بالتشارجر منتشره اكثر 

شوف عزيزي
يقول لك اسأل عن أم العروس قبل العروس ههههههه
كما السيارات اسأل عن الوكيل وخدماته وتوفر القطع قبل السيارة نفسها والسوباروا اخترب مو مثل أول

لا أنصحك فيه ..
وفي السوق بدائل كثيرة .

أشكركم جميعا ع النصائح الذهب والله يجزيكم خير 
و
وبصراحة السيارة جدا جدا اعجبتني ومواصفاتها مهي موجودة بغيرها لكن الوكيييل ناس كثييير كثييير خوفوني منه 
وما عندي استعداد اقعد اطرد ورآه خاصة أني بالمدينة وماعندنا وكالة لها وإلا السيارة راغبها ونفسي اشتريها 

وأعيد واشكركم جميعا ع تعليقاتكم استفدت كثير الله يبيض وجيهكم 

انا مثلك بشتريها بس والله الوكيل وصخ! ابي ااشتري 4 سلندر فل بس الفل اللي يوفرة الوكيل جنوطه صغيره وشاشته صغيره! يعني يضحك عليك ماهو فل! الفل الحقيقي في السته سلندر بس (جنوط 18 وشاشه كبيرة وسعر السته سلندر ب115) شي يقهر!