أضف سؤال أو موضوع جديد          

عزمت على شراء سوبارو ليجاسي 2015 وش رأيكم ؟؟؟

up 4 down 2
تركي الجهني 380 12
قبل 6 سنه و 2 شهر



السلام عليكم ورحمة الله وبركاته ، 
كما هو موضح بالعنوان انا بصدد شراء سوبارو ليجاسي 2015
السيارة قريت عنها وشفتها بالوكالة وأعجبتني علما انني لم أقود سوبارو من قبل 
ومختار بين الأربع سلندر فل كامل والست سلندر ومحتاج توضحون ماهو الأفضل والأنسب خاصة ان الفرق 26 الف ريال 

فارجوا الا تبخلو علي بالنصح والإرشاد وما تمليه عليكم خبرتكم ،،

اشتري او لا اشتري من الأخير

وجزاكم الله خير وشكر سعيكم  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تبي نصيحه السياره الي تشوفها يوميا هي كامري كرولا سوناتا اوريون افلون  اكورد ازيرا النترا كابرس تشارجر 
هايلوكس لاندكروزر باترول 

انصحك انك تاخذ من السيارات الي ذكرت عشان بعد سنه او سنتين تلاقي قطع الغيار في اي سوق 

والسوبارو اتوقع مايجي الا فالوكاله وقليل مايكون له وكيل.  

هذي نصيحتي وشكرا 


up 14 down 7
abood-111111 244
قبل 6 سنه و 2 شهر



ادخل منتدى السيارات وتلقى قسم للسوبارو 


وتمتع ب الشكاوي هههههههه


up 5 down 5
مدرس عاطل 4
قبل 6 سنه و 2 شهر



خذها 

الليجاسي سيارة يعتمد عليها وتستاهل كل ريال فيها وتجميعها ياباني 


المحرك الاول 4 سلندر 2.5 لتر يولد 175 حصان


والثاني 6 سلندر 3.6 لتر يولد قوة 256 حصان 

والمكينة فلات انجن يعني بدال ما تتحرك البساتم فوق وتحت تتحرك يمين ويسار 

وهذي التقنية تستعملها شركة بورش وشركة سوبارو 

لانها تعطي اداْ افضل لكن تنقص من عمر المكينة 


لكن احسب حسابك القطع يمكن ما تتوفر الا عند الوكيل ويطيح سعرها 


يعني اذا بتبيع بعد فترة خذ تويوتا


لكن فكر 


اي سيارة بتكون فيها هذي الجودة + محرك بنظام بورش + دفع رباعي 

بهذا السعر 

على العموم مبروك مقدما وبالتوفيق


up 7 down 2
ابو سعود .... -143
قبل 6 سنه و 2 شهر



خذها 

الليجاسي سيارة يعتمد عليها وتستاهل كل ريال فيها وتجميعها ياباني 


المحرك الاول 4 سلندر 2.5 لتر يولد 175 حصان


والثاني 6 سلندر 3.6 لتر يولد قوة 256 حصان 

والمكينة فلات انجن يعني بدال ما تتحرك البساتم فوق وتحت تتحرك يمين ويسار 

وهذي التقنية تستعملها شركة بورش وشركة سوبارو 

لانها تعطي اداْ افضل لكن تنقص من عمر المكينة 


لكن احسب حسابك القطع يمكن ما تتوفر الا عند الوكيل ويطيح سعرها 


يعني اذا بتبيع بعد فترة خذ تويوتا


لكن فكر 


اي سيارة بتكون فيها هذي الجودة + محرك بنظام بورش + دفع رباعي 

بهذا السعر 

على العموم مبروك مقدما وبالتوفيق


up 5 down 2
ابو سعود .... -143
قبل 6 سنه و 2 شهر



وعليكم السلام ورحمة الله وبركاته 

سيارات سوبارو اليابانية الصنع غنية عن التعريف ومعروف أنها من أفضل ما صُنع في اليابان 
لكن هناك مشاكل عدة في منطقتنا منها:

- الوكيل سيء جداً ولا يخدم سياراته ما بعد البيع 
- القطع لا تتوفر سوى في الوكالة وقطع أصلية فقط 
- السيارة ليست مرغوبة ولا إقبال عليه 
- يطيح سعرها بعد الإستخدام 
- قير محرك الستة سلندر cvt ومعروف أن صيانته لا يتقنها أي شخص ناهيك عن الوكالة السيئة التي لا تخدم من الاساس.

كل هذه الأسباب عوامل أساسية لنجاح أي سيارة في السوق السعودي
إذا لم تتوفر هذه العوامل فلن تهنئ بالسيارة على الرغم بأنها رائعة جداً 

أنصحك بالسيارات التالية:
جنسيس 2015 
أفلون 2015 


موفق خير 



up 5 down 2
starting 1043
قبل 6 سنه و 2 شهر



ستارتنق


up 0 down 2
مدرس عاطل 4
قبل 6 سنه و 2 شهر



الوكيل سيئ جدا وليس السيارة انا اشوف انك تبعد عنها لان بعد سنة او اكثر بتتعب في قطع الغيار وسعرها بيطيح فالارض شوف الكيا كادينزا 6 290 حصان سلندر فل كامل اونص فل معروفه وضمان 5 سنوات مفتوح الكيلوات وغيرها من المواصفات وقطعها متوفرة


up 2 down 1
saleh54321 88
قبل 6 سنه و 2 شهر



شريتها يوم كان وكيلها بالبيد 2002
السياره مايحتاج اشهد لها ابد

لكن المشكلة الوكيل تعبت معاه فتوفير القطع والصيانه

الحين مع وكالة اليمني
كنت بطلعها قبل سنه بس البنك ماكان يتعامل مع الوكيل اليمني

اما السيارة خذ جودة وقوة وتحمل


up 2 down 0
شويخ من أرض مكناس 2824
قبل 6 سنه و 2 شهر



خذها سيارة اعتمادية جودة تصنيع اليابان دلع دفع رباعي وحسن كتبي مدحها ويقول بعد أنها الأفضل من بين اليابانيين وأنا اتفق معها محركها نفس طريقة محرك البورش وقيادتها ممتعة وإضافة على كلام ثلاثي توب جير كلاركسون وملئ وهاموند ما اتفقوا إلا على ثلاث سيارات الليجاسي والمونديو ورينو 2002ًتوقف تصنيعها يكفيك خبراء سيارات اتفقوا عليها 


up 2 down 0
mohammed1368 155
قبل 6 سنه و 2 شهر



اخوي معها سوبار ٢٠١٢ الحمدالله ماغير فيه ولا شيء لكن ترا اسعار القطع غاليه بالحيل فرق عنه منافساته  واخوي من النوع الى مايحفظ والا الان ماغير فيه شيظ لكن خذ لك فره على القطع 


up 1 down 0
اببوسليمان 1833
قبل 6 سنه و 2 شهر



خوي معه امبريزا 2008 RS 
يبغى مساعدات دور بالرياض ما حصل كلمني 
عشان ادورله في جدة  حصلت في الوكالة غالي 
والله ما اذكر سعره بس جدا غالي 


up 2 down 0
salah.e 472
قبل 6 سنه و 2 شهر



بغض النظر عن غلاء القطع ... والكل عارف  .. لو لكنية بيع اقل من خمس سنين  . لا تاخذها لانه بيعها ثقيل 


up 0 down 0
مستريح البال 1 1780
قبل 6 سنه و 2 شهر



نصيحة اشتر سيارة قطع غيارها عند الحضارم في كل منطقة صناعية!!

مثلا هونداي له في صناعية العاصمة غرب الرياض خمس محلات -لكن لايوجد محل واحد لمازدا او مستوبيشي ولا للسوبارو!!!


up 1 down 0
أبوياسر74 277
قبل 6 سنه و 2 شهر



السيارة لاغبار عليها سيارة قوية وراسية
ولكن ماأنصحك فيها اشتري راحتك وانا اخوك
لو تدق دقة خفيفة وتدور القطع ماتلقاها بسهولة او طلبية
بتتعب كل ماحتجت قطع
فروعه فقط في المدن الريسية لو تسافر منطقة ثانية حتى السيفون ماراح تلقاه


up 0 down 0
سلطان4040 1237
قبل 6 سنه و 2 شهر



باختصار الوكيل اليمني اذا موفر القطع وانت فالرياض وماتبي تبيع الا بعد 5 سنوات خذها وانت مغمض

اللي يقول القطع غاليه
ترى الاكورد اغلى منها والحين صارت صينية


up 0 down 0
شويخ من أرض مكناس 2824
قبل 6 سنه و 2 شهر



اذا تبي شيء رياضي انصحك بالتشارجر منتشره اكثر 


up 1 down 0
legaacy -315
قبل 6 سنه و 2 شهر



شوف عزيزي
يقول لك اسأل عن أم العروس قبل العروس ههههههه
كما السيارات اسأل عن الوكيل وخدماته وتوفر القطع قبل السيارة نفسها والسوباروا اخترب مو مثل أول


up 1 down 0
نبيل110 329
قبل 6 سنه و 2 شهر



لا أنصحك فيه ..
وفي السوق بدائل كثيرة .


up 0 down 0
جاسم الدوحة 187
قبل 6 سنه و 2 شهر



أشكركم جميعا ع النصائح الذهب والله يجزيكم خير 
و
وبصراحة السيارة جدا جدا اعجبتني ومواصفاتها مهي موجودة بغيرها لكن الوكيييل ناس كثييير كثييير خوفوني منه 
وما عندي استعداد اقعد اطرد ورآه خاصة أني بالمدينة وماعندنا وكالة لها وإلا السيارة راغبها ونفسي اشتريها 

وأعيد واشكركم جميعا ع تعليقاتكم استفدت كثير الله يبيض وجيهكم 


up 2 down 0
تركي الجهني 380 12
قبل 6 سنه و 2 شهر



انا مثلك بشتريها بس والله الوكيل وصخ! ابي ااشتري 4 سلندر فل بس الفل اللي يوفرة الوكيل جنوطه صغيره وشاشته صغيره! يعني يضحك عليك ماهو فل! الفل الحقيقي في السته سلندر بس (جنوط 18 وشاشه كبيرة وسعر السته سلندر ب115) شي يقهر!


up 0 down 0
sneko -1
قبل 6 سنه و شهر