أضف سؤال أو موضوع جديد          

هل الوكيل يشتري مني الشكمان الأصلي وهل استبداله يلغي الضمان؟

up 1 down 7
saudi_auc14 -89
قبل 2 سنه و 11 شهر



السلام عليكم

سيارتي سوبارو رياضية وحبيت أستبدل الجزء الخلفي من الشكمان بواحد ثاني طلبية من الخارج
لأداء وصوت أفضل.
سؤالي: الشكامين الأصلية ما زالت عندي وأبغى أبيعها، هل ممكن الوكيل يشتريها مني؟
وثانيا، متخوف لو دري إنه يلغي الضمان لأن سيارتي ما زالت على الضمان.

مشورتكم يالغالين.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو الاضافه مركبها من عند الوكيل ماتلغي الضمان اذا مركبها برا تلغي الضمان واحد من الشباب معه تشارجر ركب دبات رياضيه والغو ضمانه 
والشكمان الاصلي مايشتريه الوكيل مالك الى تعرضه فى موقع حراج 
واذا تبي نصيحتي لاتبيعه بتطفش من الصوت او اذا جيت تبيع السياره رجع دبات الوكاله  احسن من تبيعها ولين جيت تبي ترجعها تتبهذل تدورها فى التشاليح 


up 0 down 0
k 6 4 i 1229
قبل 2 سنه و 11 شهر



مشكور ويعطيك ألف عافية أخوي فهد الغالي
اي نعم الاضافة مركبها من برا بس من شركة أمريكية مختصة لقطع سوبارو اسمها "نيمليس" ورائجة جدا في أمريكا وفعلا جودة عالية
والصوت رياضي لكن غير مزعج. وسيارتي للاستخدام ما أفكر أبيعها في المدى القريب ولا لي نية تجبرني أرجع الدبات الأصلية.
بس السؤال الحين: لو بعت الشكامين في حراج وانتهى الموضوع، مصيري يجي يوم أروح للوكالة للصيانة الدورية أو لأي سبب،
هل يدققون على كل شيء ويلغون الضمان فورا، وإلا لازم تحصل مشكلة في السيارة ويحملوني إياها ثم يلغون الضمان؟


up 0 down 6
saudi_auc14 -89
قبل 2 سنه و 11 شهر



كيف المرور معاك
عندي ماجنا فلو ومتردد اركبها


up 1 down 0
احمد 170 244
قبل 2 سنه و 11 شهر



نصيحة لاتبيعها خلها عندك واذا طفشت من اللي انت مركب او حبيت تبيع السيارة لرجع لها قطعها الاصلية


up 0 down 0
الجوابر 749
قبل 2 سنه و 11 شهر



لاتبيعها خلها بالمستودع وراح تحتاج تركبها ثاني مافي مثل شغل الوكاله على السياره




up 0 down 0
aboahmed2014 1168
قبل 2 سنه و 11 شهر



احمد 170
بصراحة ما واجهتني أي مشكلة مع المرور لحد الحين، يمكن لأن ما صار لها وقت طويل من يوم ركبتها وأغلب مشاويري
داخل البلد ولا مريت على نقاط تفتيش، لكن متفائل كثير محد راح يستوقفني لأن القطع من شركة مختصة لسيارات محددة ويتميز تصميمها
بانعدام ما يسمى بـ (الدرون) ، الدرون هو صوت الطنين المزعج الي ممكن يظهر عند دورات مكينة معينة ويكون مزعج خارج السيارة
ولكن ازعاجها بداخل السيارة أثناء القيادة يكون أكبر خاصة في السفر ويصدع براسك. غير ان الصوت الرياضي المرغوب اللي ينتج
منها مهو عالي كثير طالما ما ثقلت بدعسة على الدواسة.
هذا غير مظهرها ولمعتها كأنها وكالة.
ماغنا فلو حسب علمي تصنع قطع لكثير سيارات ومهي متخصصة, ما أنصحك فيها. وش سيارتك؟ يمكن لها قطع أفضل


up 1 down 5
saudi_auc14 -89
قبل 2 سنه و 11 شهر



الجوابر
وين الأهمية في ارجاع الدبات الأصل عند البيع؟
بالعكس هذي أفضل وترفع سعر السيارة وما تؤثر على السيارة بأي شكل سلبي من ناحية ميكانيكية



up 0 down 0
saudi_auc14 -89
قبل 2 سنه و 11 شهر



aboahmed2014
المشكلة ساكن بعيد عن الأهل لا حولي مستودع ولا شي ابغى افتك منها


up 0 down 0
saudi_auc14 -89
قبل 2 سنه و 11 شهر



saudi_auc14

بالعمس ما يرفع السعر ،، اغلب الزباين اللي ممكن يشترون السيارة مالهم في الامور هذي وبالعكس ما يبغى الامور هذي وممكن ما يشتريها عشان عليها اضافات .. ممكن فيه جزء بسيط جدا جدا من الناس يكون مهتم بالاضافات ويعطيك سعر كويس في السيارة لكن الاغلب يمكن حتى لو شاف اضافة ما يشتري


up 1 down 0
تركي818 134
قبل 2 سنه و 10 شهر